HII NDIO SHERIA ALIYOITUMIA RAIS MAGUFULI KUMSAMEHE BABU SEYA NA MWANAWE PAPII KOCHA

Na:Kione Hamis Mahuruku

Katika sherehe za Uhuru wa Tanganyika za mwaka huu wa 2017 iliyozoeleka kama Tisa Disemba(9 December),Watanzania walio wengi wamepigwa na Butwaa lakini wengine wakitafakari namna Mheshimiwa Rais Dokta John Pombe Magufuli alivyoweza kuwapa Msamaha Wanamuziki Nguza Viking(Babu Seya) na mwanawe Papii Kocha waliokuwa wanatumikia kifungo cha maisha Jela.

Ameitoa wapi nguvu hiyo Mheshimiwa Rais Magufuli?!

Kumbe Mheshimiwa Rais amepewa nguvu Kikatiba.

KATIBA YA TANZANIA

SURA YA 2 SEHEMU YA 1

Ibara ndogo ya (1),

Bila ya kuathiri masharti mengineyo yaliyomo katika ibara hii,Rais anaweza kutenda lolote kati ya mambo yafuatayo:

(a)Kutoa msamaha kwa mtu yeyote alliyepatikana na kosa lolote,na aweza kutoa Msamaha huo ama bila ya masharti au kwa masharti,kwa mujibu wa sharia.

(b)Kumwachilia kabisa au kwa muda maalum mtu yeyote aliyehukumiwa kuadhibiwa kwa ajili ya kosa lolote ili mtu huyo asitimize adhabu hiyo wakati wa muda maalu.

(c)Kuibadilisha adhabu yoyote aliyopewa mtu yoyote kwa kosa lolote iwe adhabu tahafifu.

(d)Kufuta adhabu yote au sehemu ya adhabu yoyote aliyopewa mtu yeyote kwa ajili ya kosa lolote au kufuta adhabu yote au sehemu ya adhabu ya kutoza,au kuhozi(au kuchukua) kitu cha mtu mwenye hatia ambacho vinginevyo kingechukuliwa na Serikali ya Jamhuri ya Muungano.

Ibara ndogo ya (2),

Bunge laweza kutunga sharia kwa ajili ya utaratibu utakaofuatwa na Rais katika utekelezaji wa madaraka yake kwa mujibu wa ibara hii.

Ibara ndogo ya (3),

Masharti ya ibara hii yatatumika kwa watu waliohukumiwa na kuadhibiwa Tanzania Zanzibar na kwa adhabu zilizotolewa Tanzania Zanzibar kwa mujibu wa sharia iliyotungwa na Bunge na inayotumika Tanzania Zanzibar,hali kadhalika,maasharti hayo yatatumika kwa watu waliohukumiwa na kuadhibiwa Tanzania Bara kwa mujibu wa sharia.