KOFIA MPE ASLAY KIBA NA DIAMOND WAMEKALISHWA ILA HAJAWAFIKIA

Na Kione Hamis Mahuruku.

             Ni ukweli usiopingika kwa mwaka 2017 katika Tasnia ya Muziki wa Bongo Fleva huyu ‘Mtoto’ Aslay Isihaka amefanikiwa 100% kwa kila kitu katika Muziki wake.Ameweza kukonga Nyoyo za watu wengi mno na kila mtu amemkubali huyu Dogo kutokea katika kizazi cha Mkubwa Fella.Mbinu ya bandika bandua aliyoitumia huyu dogo katika mtiririko wa kuachia ‘Mijisongi’ yake si ngeni kwani hata Mtoto wa Tandale Nasib Abdull huwa anafanya sana.Lakini kitu cha ziada alichofanya Aslay ni namna ya kuimba nyimbo zinazogusa Mioyo ya watu moja kwa moja.

            Alipotoa wimbo wa Mama alikuwa kama alijua kutokana na hali ya kufiwa na mama yake,aachie wimbo uliakisi maisha yake kwa kipindi hicho.Heshima kubwa zimuendee Meneja wake Chambuso na Mtayarishaji ama Watayarishaji wa Muziki wako(Producers) maana inavyoonekana mnasikilizana sana.Mwenyezi Mungu awasimamie muendelee kutawala tena mwaka 2018 japo si jambo rahisi.

         Kwa nini tumpe Kofia Aslay? Bwana mdogo ameonyesha katika maisha hakuna linaloshindikana pale tu unapodhamiria kufanya unachoamini.Katika Ulimwengu wa Diamond Platnumz na Alli Kiba ambao ni kama Ulimwengu wa Kabumbu Duniani,Ulimewengu wa Messi na Ronaldo.Si jambo rahisi kupenya,tumeona wengi wamefeli na wamejipapatua tu lakini wapi?! Darasa alifanikiwa lakini silaha ya Darasa ni utofauti wa style ya Muziki wake.Kwa Aslay yeye anafanya aina ya Muziki waufanyao Diamond na Kiba tena mwaka ambao kulitokea vita ya ZILIPENDWA vs SEDUCE ME!

        Noma sana lakini  Dogo akatusua na ‘Jisongi’ baab’ kubwa la NATAMBA.Na kweli Aslay katamba sana mwaka 2017.Jipange tena na tena.Tunajua Silaha yako kubwa ni Tungo mwanana na sauti ya upole na yenye kuvutia.Usivimbishwe  Kichwa na watu wanaokusifia na kukujaza ujinga kwamba wewe ni Zaidi ya kaka zako Kiba na Diamond.La hasha! Bado mnooo kuwafikia,ila uwezo unao ongeza hasira utafika mbali Zaidi.

        Kwa mwaka huu 2018 nadhani unahitaji sasa kupanua wigo wa Muziki wako,ni wakati wa kujitoa na hata kulazimisha Collabo za nje.Jitazame mara kadhaa katika Kioo halafu jiulize swali hili.’Mimi ndiyo yuleyule Dogo Aslay wa Yamoto Band?’ Ukishapata jibu jiulize swali lingine hili hapa.’Aslay wa mwaka 2017 atapotea au ataimarika mwaka 2018?’ Kisha maliza na swali hili.’Aslay ndiyo mimi,nilikuwa na mapungufu gani japo nililishika Soko la Bongo Fleva mwaka 2017?’

       Fanyia kazi hayo maswali kisha simamia Nidhamu yako uliyo nayo,songa mbele.Kitaa Kinaongea,Aslay amekuwa mkubwa lakini usijifananishe na Kiba na Diamond.Hao ni kaka zako wamekupita kila kitu,jifunze mazuri kutoka kwao utafanikiwa Zaidi na Zaidi.

       By Kione Hamis Mahuruku.